ආචාර්ය චරිත් වෑගොඩපොල ගිරාගම
උගත් බව බුද්ධිමත් බව යන සාධක දෙකේ සහසම්බන්ධතාවය පවතින්නේ නිහතමානිකම යන සාධකය මතය. කන්ද උඩරට ප්‍රභූ පරපුරකට උරුමකම් කියන ආචාර්ය චරිත් වෑගොඩපොල ගිරාගම යනු එබඳු වු චරිතයකි.
මාතලේ උකුවෙල, රත්වත්තේ වලව්වේ උපන් චරිත් වෑගොඩපොල ගිරාගම ගේ පියාණන් වන්නේ රජයේ හා බලයලත් මිනින්දෝරුවෙක් ලෙස ද මාතලේ ප්‍රදේශයට විශාල සේවයක් කළ, ජෙනරාල් අනුරුද්ධ රත්වත්තේ මහතා ගේ සමකාලීනයකු ලෙස ශ්‍රී ලංකා යුද හමුදාව ස්වේච්ඡා බලසේනාවේ නිලධාරියෙකු ලෙස ද සේවය කළ මාතලේ පලාපත්වෙල උඩුගම, ගිරාගම වලව්වේ, රාජකාරුණා නවරත්න සෙනවිරත්න හේරත් මුදියන්සේ රාළහාමිල්ලාගේ අලුත් වලව්වේ ජෝර්ජ් වේරගම ගිරාගම මහතාය. පියා ගේ පාර්ශවය, මහනුවර නගරයේ යටිනුවර වීදීයේ පිහිටි ගිරාගම වලව්වේ විසු, මහනුවර ශ්‍රී දළදා මාලිගාවේ සුවිශේෂී සහ කීර්තිමත් දියවඩන නිලමේ වරයෙකු වූ කුඩා මුදියන්සේ ගිරාගම දියවඩන නිලමේතුමාගේ පරපුරෙන් ඉඳුරාම පැවත එන්නන්ය. මෙතුමා චරිත් වෑගොඩපොල ගිරාගම ගේ පරම්පරාවේ වැදගත් පුරුකකි. එනම් චරිත් වෑගොඩපොල ගිරාගම ගේ මුත්තාගේ (ගිරාගම රටේ මහත්මයා) සහෝදරයෙකි. ගිරාගම දියවඩන නිලමේතුමා යටිනුවර වීදීයේ පිහිටි ගිරාගම වලව්වේ හා පිළිමතලාව ගිරාගම පිහිටි ගුරු පුහුණු විද්‍යාලය අයත් පැරණි වලව්වේ ජීවත් වූ අතර එතුමා ගේ ඇවෑමෙන් එය රජයට අයත් වී පසු ව ගුරු පුහුණු විද්‍යාලයට පවරා දී ඇත.
චරිත් වෑගොඩපොල ගිරාගම ගේ මව වන්නේ සෙනවිරත්න පණ්ඩිත අබේකෝන් බණ්ඩාරනායක වාසල මුදියන්සේ රාළහාමිල්ලාගේ චිත්‍රාංගලී නිරංජලි වෑගොඩපොල මහත්මියයි. ඇය ගේ පරම්පරාව පැවතෙනුයේ මාතලේ රත්වත්තේ පිහිටි රත්වත්තේ වලව්වේ සහ වෑගොඩපොල වලව්වේ පරපුර හා බදුල්ලේ මිරහාවත්ත ප්‍රදේශයේ සමරකෝන් පරපුර හා බද්ධ වීමෙනි. චරිත් වෑගොඩපොල ගිරාගම ගේ මව ගේ පියා වන ලුතිනන් කර්නල් (විශ්‍රාමික) ස්ටැන්ලි ලේනාඩ් වෑගොඩපොල මහතා කුරුණෑගල ගැට්ටුවාන පිහිටි පලිපාන වලව්වේ පරපුරේ හා මාතලේ රත්වත්තේ වලව්වේ සහ වෑගොඩපොල වලව්වේ පරපුරේ සංකලනයකි. එතුමා අවුරුදු තිස් හතරකට අධික කාලයක් යුද හමුදාවේ සේවය කර ඇති අතර දෙවන ලෝක යුද්ධයට ද එක්සත් රාජධානිය සමග බුරුමයේ දී සහභාගී වූවෙකි. කර්නල් (විශ්‍රාමික) ස්ටැන්ලි ලේනාඩ් වෑගොඩපොල මහතා ශ්‍රී ලංකාවේ ප්‍රථම සහ එකම විධායක නොවන ජනාධිපති වූ විලියම් ගොපල්ලව ආණ්ඩුකාරතුමා ගේ අධි සහයක ලෙස ද රාජකාරි කළ අතර එතුමා ගේ සමීප ඥාතියෙකි.
චරිත් වෑගොඩපොල ගිරාගම ට සහෝදරයන් දෙදෙනෙකු හා සහෝදරියක් සිටින අතර එයින් වැඩිමහල් සහෝදරයා මේජර් (විශ්‍රාමික) අර්ජුන ගිහාන් වෑගොඩපොල ගිරාගම, මාතලේ ශාන්ත තෝමස් විද්‍යාලයෙන් ශිල්ප හදාරා එහි ප්‍රධාන ශිෂ්‍ය නායක ලෙස ද කටයුතු කොට ශ්‍රී ලංකා යුද හමුදාවේ ස්වේච්ඡා බලසේනාවේ අවුරුදු 20 ක් නිලධාරියෙකු ලෙස සේවය කොට දැනට විශ්‍රාමිකව ඔවුන්ගේ මුල් නිවසේ පදිංචිව සිටී. ඔහු හමුදා උපහාර ලෙස ලබා දෙන පදක්කම් 14 කට පමණ හිමිකරුවෙකු වන අතර රණශූර පදක්කම් 3 ක්ද ඒ අතර වේ.
චරිත් වෑගොඩපොල ගිරාගම ගේ එකම සහෝදරිය, චූලාංගනී නෙලූෂියා ගිරාගම බස්නායක දැනට අවුරුදු 20 ක් පමන එංගලන්තයේ පදිංචිව සිටි.
චරිත් වෑගොඩපොල ගිරාගම ගේ බාල සොහොයුරා, නීතිඥ ඉන්දික ඉෂාන් ගිරාගම මහනුවර ත්‍රිත්ව විද්‍යාලයේන් සිප් සතර හදාරා ශ්‍රී ජයවර්ධනපුර විශ්වවිද්‍යාලයෙන් කළමනාකරණ අංශයෙන් පළමු උපාධියද, නීති විද්‍යාලයේන් නීති උපාධිය ලබා නීතිඥයෙකු ලෙස සේවය කරමින් මාතලේ රත්වත්තේ පිහිටි රත්වත්තේ වලව්වේ පදිංචිව සිටී. නීතිඥ ඉන්දික ඉෂාන් ගිරාගම, නීති විද්‍යාලයේ නීති ශිෂ්‍ය සංගමයේ උප සභාපති ලෙසද, ශ්‍රී ලංකා නිදහස් නීති ශිෂ්‍ය සංගමයේ සභාපති ලෙසද, මාගම්පුර වරාය කළමනාකරණ (පුද්ගලික) සමාගමේ සභාපති ලෙසද ඔහු තම සේවය සපයා ඇති අතර, මග නැගුම මාර්ග ඉදිකිරීම් යන්ත්‍රෝපකරණ සමාගමේ හිටපු අධ්‍යක්ෂ මණ්ඩල සාමාජියෙකි. නීතිඥ ඉන්දික ඉෂාන් ගිරාගම මග නැගුම මාර්ග ඉදිකිරීම් සමාගමේ නීති කමිටුවේ සභාපති ලෙසද කටයුතු කර ඇත.
චරිත් වෑගොඩපොල ගිරාගම විවාහ වී සිටින්නේ මාතලේ ගලේවෙල ප්‍රදේශයේ වනසිංහ පරපුරේ වනසිංහ මුදියන්සේලාගේ දිෂ්නා වනසිංහ සමග වන අතර ඇය කොළඹ අනුලා විද්‍යාලයෙන් සිප් සතර හදාරා පසු ව කොළඹ විශ්ව විද්‍යාලයේ (University of Colombo) ගණිත අංශයෙන් ප්‍රථම උපාධිය (Bachelor of Science with a focus on Mathematics) සමත්ව ජපානයේ අයිසු විශ්ව විද්‍යාලයෙන් (The University of Aizu) පශ්චාත් උපාධිය (MSc in Computer Science and Engineering) සමත්ව පරිගණක විද්‍යාව සහ තොරතුරු තාක්ෂණ අංශයේ රැකියාවක් කරයි. චරිත් වෑගොඩපොල ගිරාගම පාසල් වයසේ පසු වන පිරිමි දරුවන් තිදෙනෙකුගේ පියෙකි.
දේශපාලන භූමිකා තුළ ද, ඉතිහාසය තුළ ද, චරිත් වෑගොඩපොල ගිරාගම ගේ සම්බන්ධතාවයන් දැකිය හැකි ය. ඒවාට උදාහරණ කිහිපයක් වන්නේ:
ලංකීය සෙනෙට් සභිකයෙකු වූ රත්වත්තේ අදිකාරම් තුමාගේ පුතුනුවන් වූ ගරු රනිල් වික්‍රමසිංහ මැතිතුමා අගමැති ලෙස කටයුතු කළ වකවානුවේ එතුමාගේ ජේෂ්ඨ උපදේශකවරයෙකු ලෙසද සේවය කළ එක්සත් ජාතික පක්ෂයේ හිටපු සභාපතිවරයෙක් වූ හා භාණ්ඩාගාර ලේකම් පදවිය ඉසිලූ චරිත රත්වත්තේ මහතා විවාහ වී සිටින්නේ චරිත් වෑගොඩපොල ගිරාගම ගේ මවගේ මව ගේ (අත්තම්මා / ප්‍රේමා මිරහාවත්ත වෑගොඩපොල) සහෝදරියක වන (හේමා මිරහාවත්ත රත්වත්තේ) ගේ දියණිය (චූලනී නෙලුන්කාන්ති රත්වත්තේ) සමගය.
බදුල්ල සහ බණ්ඩාරවෙල ප්‍රදේශය වල වෙසෙන රත්වත්තේ පවුල් වලට ද ලඟින් නැදැකම් කියන චරිත් වෑගොඩපොල ගිරාගම, කතරගම මහා දේවාලයේ බස්නායක නිලමේ තුමා ලෙස රාජකාරි කළ හා එක්සත් ජාතික පක්ෂයේ බදුල්ලේ, හපුතලේ පාර්ලිමේන්තු මන්ත්‍රීවරයෙකු ලෙස ද කටයුතු කළ ඩබ්ලිව්. ඒ. රත්වත්තේ මහතා ගේ ද ඥාතියෙක් වේ. එතුමා විවාහ වී සිටියේ චරිත් වෑගොඩපොල ගිරාගම ගේ මවගේ මව ගේ (අත්තම්මා / ප්‍රේමා මිරහාවත්ත වෑගොඩපොල) සහෝදරියක් (හේමා මිරහාවත්ත රත්වත්තේ) සමඟ ය. බණ්ඩාරවෙල ප්‍රදේශයේ වෙසෙන නීතිඥ මොහාන් රත්වත්තේ මහතා හා බදුල්ලේ හිටපු එක්සත් ජාතික පක්ෂ නගරාධිපති මිල්රෝයි රත්වත්තේ මහතා ද චරිත් වෑගොඩපොල ගිරාගම ගේ මෙන්ම නීතිඥ චරිත රත්වත්තේ මහතා හා එම මැතිනිය ගේ ඥාතීන් වේ.
චරිත් වෑගොඩපොල ගිරාගම ගේ මවගේ එක් සහෝදරියක් (දුෂ්‍යන්ති වෑගොඩපොල) විවාහ වී සිටියේ රාජ්ය පරිපාලන නිලධාරියකුද, එක්සත් ජාතික පක්ෂයේ ජ්‍යෙෂ්ඨ ඇමැතිවරයෙකුද, තානාපති නිලධාරියෙකුද, ශ්‍රී දළදා මාලිගාවේ දියවඩන නිලමේ වරයෙකුද වූ නිශ්ශංක විජයරත්න මහතාගේ පුතණුවන් වූ හිටපු එක්සත් ජාතික පක්ෂ පාර්ලිමේන්තු මන්ත්‍රී, ඇමති මනෝ විජයරත්න මහතා සමඟය. මනෝ විජයරත්න මහතා ශ්‍රී දළදා මාලිගාවේ දියවඩන නිලමේ වරයෙකුද වූ නෙරංජන් විජයරත්න මහතාගේ සහෝදරයාය.
මධ්‍යම පළාතේ දෙවතාවක් ආණ්ඩුකාර වරයා ලෙස සහ සබරගමුව පළාතේ ආණ්ඩුකාර වරයා ලෙස කටයුතු කර ටිකිරි කොබ්බෑකඩුව මහතා චරිත් වෑගොඩපොල ගිරාගම ගේ පියාගේ වැඩිමහල් සහෝදරියකගේ (චන්ද්‍රාවතී ගිරාගම) පුත්‍රයාය. ජනාධිපති අපේක්ෂකයෙකු ලෙස ඉදිරිපත් වූ කෘතහස්ත දේශපාලනඥයෙකු වූ හෙක්ටර් කොබ්බෑකඩුව මහතා ටිකිරි කොබ්බෑකඩුව මහතා ගේ පියා ගේ (ඈෂ්ලි කොබ්බෑකඩුව) සහෝදරයෙකි.
මාතලේ ජනාධිපති නීතිඥයකු ලෙස කටයුතු කරන මොහාන් ගිරාගම වීරකෝන් මහතා දේශපාලනයටද සම්බන්ධ අතර ඔහුද චරිත් වෑගොඩපොල ගිරාගම ගේ පියාගේ වැඩිමහල් සහෝදරියකගේ (සුධර්මා ගිරාගම) පුතණුවන් වේ. මොහාන් ගිරාගම වීරකෝන් මහතා සිවිල් සහ අපරාධ උපදේශකවරයෙකු ලෙස වසර 36 කට වැඩි පළපුරුද්දක් ඇති ජ්‍යෙෂ්ඨ නීති වෘත්තිකයෙකි. ඔහු 2017 දී ජනාධිපති නීතිඥවරයෙකු ලෙස පත් කරන ලදී. මොහාන් ගිරාගම වීරකෝන් මහතා මාතලේ මහ නගර සභාවේ නියෝජ්‍ය නගරාධිපති, මන්ත්‍රී සහ මධ්‍යම පළාත් සභා මන්ත්‍රී ලෙස කටයුතු කර ඇත. මොහාන් ගිරාගම වීරකෝන් මහතා 2020 ජනවාරි 23 වන දින ස්වාධීන විධායක නොවන අධ්‍යක්ෂවරයෙකු ලෙස ශ්‍රී ලංකා ටෙලිකොම් මණ්ඩලයට පත් කරන ලදී.
මාතලේ පාර්ලිමේන්තු මන්ත්‍රී වූ ද, හිටපු යුදහමුදාපති වරයෙකු වූ ද, තානාපති නිලධාරියෙකු වූ ද, රිචඩ් උඩුගම මහතා චරිත් වෑගොඩපොල ගිරාගම ගේ පියාගේ සමීප ඥාති සහෝදරයෙකි. එසේ ම දක්ෂ යුද හමුදා නිලධාරියෙකු වූ, විලියම් ගොපල්ලව ආණ්ඩුකාරතුමා ගේ අධි සහයක ලෙස කටයුතු කර, කර්නල් (විශ්‍රාමික) ඇලන් නුගවෙල මහතා රිචඩ් උඩුගම මහතා ගේ බිරිඳගේ (රීටා නුගවෙල කුමාරිහාමි) සහෝදරයාය.
මාතලේ කැප්පෙටිපොළ මහ වලව්වේ විසු මාතලේ ප්‍රදේශයේ ප්‍රසිද්ධ චරිතයක් වූ 1960 ගණන් වල උඩරට පෙරමුණෙන් ඡන්දය ඉල්ලූ මොනරවිල කැප්පිටිපොල වීරයා ට ඉඳුරා ම සම්බන්ධකම් දක්වන උපාලි මොනරවිල කැප්පිටිපොල මහතා ද චරිත් වෑගොඩපොල ගිරාගම ගේ ලඟම ඥාතියෙකු වන අතර ඔහුගේ එක් දියණියක් (මැණික් කුමාරි කැප්පෙටිපොළ) විවාහ වී සිටියේ චරිත් වෑගොඩපොල ගිරාගම ගේ පියාගේ සහෝදරයෙකු (සාලිය ගිරාගම) සමගය.
